न्यूझीलंडचा भारतावर आठ विकेट्सनी विजय

हॅमिल्टन : हॅमिल्टन वन डेत न्यूझीलंडने टीम इंडियाचा आठ विकेट्सनी दणदणीत पराभव केला. या सामन्यात टीम इंडियाने न्यूझीलंडसमोर 93 धावांचं माफक आव्हान ठेवलं होतं. हेन्री निकोलस आणि रॉस टेलरच्या अभेद्य 53 धावांच्या भागिदारीच्या जोरावर न्यूझीलंडने हे आव्हान केवळ 14.2 षटकांत पार केलं. निकोलसने नाबाद 30 तर रॉस टेलरने 37 धावांची खेळी केली. भारताकडून भुवनेश्वर कुमारने २५ धावांत दोन फलंदाजांना माघारी धाडलं.